films

Die einde van hierdie Blog.

2006-06-10T14:27:00.000+02:00

Ek hou nie meer hierdie Blog by nie.

As jy wil sien watter flieks ek die laaste tyd gesien het, gaan na http://www.potgooi.nl en sien alles daar!

Groete
Aapstertjie

The Da Vinci Code (2006)

2006-05-24T13:41:00.000+02:00

http://www.imdb.com/title/tt0382625/
IMDB rating: 6.5
My rating: 7
Die voordeel daarvan, as ´n fliek oral afgekraak word, is dat mens vinnig verras word deur die film. Ek het ´n jaar of wat terug die boek gelees, so ek het nogal uitgesien na die fliek. Ek was verseker nie teleurgesteld nie. Daar was plekke waar ek gevind het dat die film te vinnig oor sommige details gaan en andere plekke was weer langdradig, maar ek dink ook dat DVC nie ´n maklike boek is om te verfilm nie.
Mens moet jouself oopstel voor jy die fliek gaan kyk, want daar word op ´n alternatiewe manier na die Christelike geloof gekyk.
Ek sien nie waarom alle ouderdomme nie na die fliek kan kyk nie, maar ek sal wel die kinders begelei... (Daar is bietjie bloed ook in die film!)

Lord of War (2005)

2006-05-22T13:37:00.000+02:00

http://www.imdb.com/title/tt0399295/
IMDB rating: 7.6
My rating: 8
Wat ´n verrassing! Ek was regtig nie lus om hierdie film te kyk nie. Wat kan so interessant wees aan 'n film oor iemand wat ryk word deur die lewens van ander mense in gevaar te stel? Ek beveel hierdie film ten sterkste aan.
Nie vir kinders nie.

Long Distance (2005)

2006-05-21T13:35:00.000+02:00

http://www.imdb.com/title/tt0425206/
IMDB rating: 5.1
My rating: 6
Nie 'n supergoeie fliek nie, maar wel die moeite werd om te kyk. Volgens my maar 'n low budget fliekie.
Vir alle ouderdomme.

Date Movie (2006)

2006-05-17T15:30:00.000+02:00

http://www.imdb.com/title/tt0466342/
IMDB rating: 2.7
My rating: 3
Mens het geweet hierdie film sal nie 'n Oscar wennaar wees nie...!!! Hoekom het mens dan daarna gekyk? Ek weet nie. Omdat dit maklik was? Wat ´n super swak fliek!!!
Vir alle ouderdomme.

Human Trafficking (2005)

2006-05-14T15:22:00.000+02:00

http://www.imdb.com/title/tt0461872/
IMDB rating: 7.5
My rating: 7
Hierdie film is vir TV gemaak. Dit is 'n ontsettend ontstellende film. Ek het nog net die helfte gesien, maar wil almal aanraai om dit te kyk. Dit is nie 'n ware verhaal nie, maar kon net sowel gewees het, want dit gebeur in die wêreld waar ons leef. Hoewel die tema baie seksueel en ontstellend is, word dit nie uitgebuit in die film nie. Inteendeel, die film versag die tema eerder. Nie dat dit dit soveel makliker maak om te verteer nie.
Nie vir kinders nie, maar ouers kan gerus hulle kinders opvoed om waaksaam te wees hiervoor.

Crazy Monkey Presents Straight Outta Benoni (2005)

2006-05-11T15:18:00.000+02:00

http://www.imdb.com/title/tt0439518/
IMDB rating: 5.3
My rating: 3
Was maar ´n swak fliekkie!!! Wou dit graag sien omdat ek nie geweet het wie Brett Goldin is (was) nie. Dis nou die akteur wat op 16 April 2006 in Kaapstad vermoor is. Sad as dit jou life's work is...
Vir alle ouderdomme.

Inside Man (2006)

2006-05-01T14:46:00.000+02:00

http://www.imdb.com/title/tt0454848/
IMDB rating: 7
My rating: 7
As mens sê dit gaan oor 'n bankroof, kan mens maklik dink dat dit maar net nog 'n film is oor 'n bankroof, maar hierdie een het 'n paar interessante kinkels in die kabel. Ek beveel dit aan.
Hierdie film is nie só geweldadig nie, maar ek sal dit nie aanbeveel vir klein kindertjies nie.

Scary Movie 4 (2006)

2006-04-24T22:10:00.000+02:00

http://www.imdb.com/title/tt0362120/
IMDB rating: 5.5
My rating: 3
Nou ja, ek moet bieg dat ek 'n keer of twee lekker gelag het. Maar dit was nie genoeg om hierdie fliekie enigsins die moeite werd te maak nie. Onder andere "War of the Worlds", "The Village", "Saw", en "The Grudge" kom verby.
Vir (byna) alle ouderdomme.

Ice Age: The Meltdown (2006)

2006-04-23T22:05:00.000+02:00

http://www.imdb.com/title/tt0438097/
IMDB rating: 6.9
My rating: 6
Die karaktertjies van die eerste Ice Age film is terug met nuwe vriendjies (en vriendinnetjies). 'n Oulike fliek, maar nie briljant nie.
Vir alle ouderdomme.

Hostel (2005)

2006-04-18T13:43:00.000+02:00

http://www.imdb.com/title/tt0450278/
IMDB rating: 5.9
My rating: 6
Hierdie is nie ´n film vir mense wat swak mae het nie! Die film loop oor met grafiese geweld. Maar, as mens dit regkry om verby die swak acting, die vele topless meisies en die bloed wat vrylik vloei, te kyk, is dit tóg ´n genotvolle film! Dit sal egter in ´n klein groepie mense se smaak val.
Beslis nie vir kinders nie.

Basic Instinct 2 (2006)

2006-04-09T18:18:00.000+02:00

http://www.imdb.com/title/tt0430912/
IMDB rating: 2.9
My rating: 6
Nou ja, ek weet nie waarom hierdie fliek sulke swak beoordelings kry op IMDB nie! Ek het dit nie so swak gevind nie, inteendeel. As jy gaan om die naaktheid van die eerste Basic Instinct te sien, gaan jy teleurgesteld wees... Hierdie fliek se taal is wel skokkend, maar die visuele was veel erger in die eerste film. Die storie is heeltemal nie voorspelbaar nie en mens bly raai tot aan die einde, selfs daarna... Kyk dit gerus!
Nie vir kinders of Ouma's en Oupa's nie.

Cheaper by the Dozen 2 (2005)

2006-04-06T10:06:00.000+02:00

http://www.imdb.com/title/tt0452598/
IMDB rating: 4.7
My rating: 4
Ag ja... Ek sê liewer niks.
Vir alle ouderdomme. Maar liewer nie!

Pride & Prejudice (2005)

2006-04-06T10:04:00.000+02:00

http://www.imdb.com/title/tt0414387/
IMDB rating: 7.7
My rating: 6
Hierdie tipe flieks is vir my altyd so moeilik om te begin kyk. As mens dan eindelik so vêr is, geniet ek dit meestal wel. Ek sien egter nie die rede waarom so baie mense so rave oor hierdie tipe flieks nie. Okay, ek weet dis 'n classic, maar hoekom? Só besonder is dit nie...
Alle ouderdomme.

Where the Truth Lies (2005)

2006-04-02T12:27:00.000+02:00

http://www.imdb.com/title/tt0373450/
IMDB rating: 6.6
My rating: 6.5
Vyftien jaar na ´n moord op ´n beeldskone vrou, begin ´n skryfster navorsing te doen om ´n boek te skryf oor haar held. Hierdie fliek bevat nogal heavy sekstonele!
Nie vir kinders nie. Oopkop Ouma´s en Oupa´s kan saamkyk.

Bee Season (2005)

2006-04-02T12:26:00.000+02:00

http://www.imdb.com/title/tt0387059/
IMDB rating: 5.8
My rating: 6.5
Wanneer ´n meisietjie se speltalent na vore kom, stort haar Pa al sy aandag op haar. Soveel so dat hy kontak met sy vrou en ander kind verloor. Baie mooi film!!!
Vir alle ouderdomme.

Final Destination 3 (2006)

2006-04-01T12:24:00.000+02:00

http://www.imdb.com/title/tt0414982/
IMDB rating: 6.2
My rating: 5.5
Die derde in die reeks is ook weer ´n herhaling van die wenresep. Nadat ´n paar mense op nommer 99 van die dood ontsnap het, begin hulle een vir een op baie brutale en bloederige wyses om te kom... Wie´s volgende?
Verseker te bloederig vir kinders en vir Ouma´s en Oupa´s ook!

The World's Fastest Indian (2005)

2006-03-29T11:41:00.000+02:00

http://www.imdb.com/title/tt0412080/
IMDB rating: 8.1
My rating: 7.5
Die ware verhaal van Burt Munro, uit New Zeeland, wat in 1967 die wêreldrekord gebreek het met sy Indian motorfiets uit 1920. Dit is ´n inspirerende fliek wat ek graag aanbeveel. (Ek was glad nie lus om dit te kyk nie, maar ek is bly ek het).
Vir alle ouderdomme.

Capote (2005)

2006-03-22T11:44:00.000+01:00

http://www.imdb.com/title/tt0379725/
IMDB rating: 7.9
My rating: 6
Philip Seymour Hoffman verdien verseker die Oscar wat hy vir sy vertolking van die rol van man Capote gekry het. Maar og, ek het sy aksent sóóó superirriterend gevind. Die fliek self is ook maar lank en vervelig.... Party mense sal seker rave daaroor, siendie dat hy nogal ´n hoë rating op imdb gekry het.
Vir alle ouderdomme.

Paradise Now (2005)

2006-03-20T10:19:00.000+01:00

http://www.imdb.com/title/tt0445620/
IMDB rating: 7.8
My rating: 6.5
Twee vriende moet ´n selfmoordaanslag in Tel Aiv gaan pleeg. Hierdie is ´n swaar fliek, maar baie mooi.
Vir alle ouderdomme.

Exorcism: The Possession of Gail Bowers (2006)

2006-03-19T10:24:00.000+01:00

http://www.imdb.com/title/tt0490919/
IMDB rating: 4.0
My rating: 5
Hierdie film is direk op dvd uitgereik. Dan verwag jy nie veel nie. Ek was aangenaam verras, hoewel hierdie maar net nog ´n remake van die tipiese exorcist fliekies is...
Verseker nie vir kinders of Ouma en Oupa nie.

Stay (2005)

2006-03-15T17:20:00.000+01:00

http://www.imdb.com/title/tt0371257/
IMDB rating: 6.9
My rating: 6.5
Ag flippit! Ek het hierdie fliek nie verstaan nie... Ek het tog die fliek geniet, vandaar dat ek dit 'n redelike goeie punt wil gee. Die fliek gaan oor dooie mense in 'n stadium tussen die lewe en die dood. Maar wie's dood en wie's lewendig? Ek wil die fliek weer kyk, maar ek weet ook nie of ek dit beter sal verstaan as ek dit weer kyk nie... Die skakeling tussen verskillende scenes in die fliek is stunning!!!
Ek sou die fliek nie vir kinders of vir Oumense aanbeveel nie.

Big Momma's House 2 (2006)

2006-03-12T20:09:00.000+01:00

http://www.imdb.com/title/tt0421729/
IMDB rating: 3
My rating: 3
Wat ´n super swak fliek. Maar ja, mens het dit verwag, né....
Vir alle ouderdomme.

Derailed (2005)

2006-03-12T20:04:00.000+01:00

http://www.imdb.com/title/tt0398017/
IMDB rating: 5.9
My rating: 7
'n Superspannende fliekie. 'n Affair kan jou baie geld kos!
Nie vir kinders nie.

Walk the Line (2005)

2006-03-11T20:00:00.000+01:00

http://www.imdb.com/title/tt0358273/
IMDB rating: 8
My rating: 7
´n Superfilm! Die biografie van Johnny Cash. 'n Moetsien fliek! Ook al is jy nie 'n Cash-fan nie, oppas net, die fliek maak jou dalk 'n fan!!!
Vir alle ouderdomme.

Tsotsi (2005)

2006-03-09T13:52:00.000+01:00

http://www.imdb.com/title/tt0468565/
IMDB rating: 7.2
My rating: 7
´n Mooi, maar ontstellende film, oor ´n gangster in ´n Johannesburgse township. Die ongevoeligheid en gevoeligheid van die mense het my soms byna tot trane gedryf.
Oscar wennaar vir beste buitelandse film!!! (´n Eerste vir SA!)
Vir alle ouderdomme (die film kan sommige mense ontstel).

Life or Something Like It (2002)

2006-03-08T14:16:00.000+01:00

http://www.imdb.com/title/tt0282687/
IMDB rating: 5.7
My rating: 6
Wat sal jy doen as jy weet dat jy oor ´n week doodgaan? Die blonde hare pas Angelina Jolie nogal. Haar dik lippe aan die ander kant, walg my! Die fliek eindig twee minute te laat, anders sou hy nogal goed gewees het... Die Amerikaners tog met hulle happy endings...
Vir alle ouderdomme.

Hierdie is die tweehonderdste fliek wat ek op hierdie blog bespreek.

Nanny McPhee (2005)

2006-03-07T10:31:00.000+01:00

http://www.imdb.com/title/tt0396752/
IMDB rating: 6.9
My rating: 6.5
Hierdie is ´n kinderfliek. As jy gehou het van Charlie and the Chocolate Factory, sal jy hiervan ook hou.
Vir alle ouderdomme.

New York Minute (2004)

2006-03-06T12:07:00.000+01:00

http://www.imdb.com/title/tt0363282/
IMDB rating: 3.7
My rating: 2
Wat ´n super swak fliek!!!
Vir alle ouderdomme.

Waterborne (2005)

2006-03-01T10:55:00.000+01:00

http://us.imdb.com/title/tt0423514/
IMDB rating: 6.6
My rating: 6
Wanneer die water in LA besmet word, duur dit nie lank voordat die inwoners gek word nie... Die film volg die doen en late van drie verskillende groepies mense. Dit kon ´n goeie fliek wees, maar met tye het hulle bietjie kortpad gevat. Van die een sekonde tot die volgende is alle probleme opgelos, sonder dat hulle regtig sê wat die oorsaak was.
Alle ouderdomme.

Love, Ludlow (2005)

2006-02-27T11:07:00.000+01:00

http://www.imdb.com/title/tt0436524/
IMDB rating: 7.4
My rating: 6.5
Na die dood van die Ma, moet die sussie die boetie, wat verstandelik gestrem is, oppas. Dit lei tot allerlei probleme as sy haar eie lewe wil lei. Hierdie is ´n swaar fliek en nie eintlik "nuut" nie, maar verseker die moeite werd om te kyk.
Alle ouderdomme.

Fragiles (2005)

2006-02-26T10:54:00.000+01:00

http://www.imdb.com/title/tt0422272/
IMDB rating: 5.9
My rating: 5
Daar loop ´n spook in die hospitaal rond. Dit was amper ´n goeie fliek, maar hy kort spanning en die einde was ´n pot snot. Ek het heimlik gewens die spook wil vir Ally McBeal beetkry!
Nie regtig vir kinders nie.

Frequency (2000)

2006-02-24T10:51:00.000+01:00

http://www.imdb.com/title/tt0186151/
IMDB rating: 7.4
My rating: 6
As hy 30 jaar later die tweerigtingradio van sy pa weer koppel, hoor hy ´n stem uit die verlede... Die film was nie te sleg nie, maar die laaste deel was maar afbrekend...
Vir alle ouderdomme.

The Alibi (2006)

2006-02-22T15:38:00.000+01:00

http://www.imdb.com/title/tt0409681/
IMDB rating: 5.8
My rating: 6.5
Hierdie mense sorg daarvoor dat jy ´n alibi het en dat jou vrou (of man) jou nie uitvang as jy ´n aandjie vreemdgaan nie. Tot hulle eendag self ´n alibi nodig het... ´n Baie oulike fliekie! Die laaste deel van die film was supergoed!
Nie vir kinders nie.

Aeon Flux (2005)

2006-02-21T15:43:00.000+01:00

http://www.imdb.com/title/tt0402022/
IMDB rating: 5.3
My rating: 5
In 2011 sterf 99% van die aarde se bevolking. 400 jaar later verskyn Charlize Theron op die toneel as Aeon Flux, ´n "Monicon" wat die regering wil omvêrgooi. Flou fliekie. Supersterk Charlize Theron. Ek bly ´n fan van haar.
Is dit vir kinders? Seker maar, maar niemand mis iets deur dit nie te kyk nie.

Munich (2005)

2006-02-19T12:11:00.000+01:00

http://www.imdb.com/title/tt0408306/
IMDB rating: 7.8
My rating: 6.5
Nou ja, Steven Spielberg is terug. ´n Swaar fliek oor die gyseling van die Israeliese olimpiese span tydens die spele in Munich, 1972. Hierdie is ´n goeie film, maar met tye baie lank en die geweld is met tye baie grafies.
Verseker nie vir kinders nie!

Ae Fond Kiss... (2004)

2006-02-19T12:10:00.000+01:00

http://www.imdb.com/title/tt0380366/
IMDB rating: 7.3
My rating: 7
´n Baie mooi fliek oor die liefdesverhouding tussen ´n Engelse vrou en ´n Indiër man. Familieprobleme, godsdiens en lewenssiening staan in hulle pad...
Hete seksscenes maak dat kinders nie hierna kan kyk nie.

Walk On Water (2004)

2006-02-18T12:07:00.000+01:00

http://www.imdb.com/title/tt0352994/
IMDB rating: 7.5
My rating: 7
´n Isrealiet begelei ´n Duitse toeris wat verdink word dat sy familie betrokke was by die hollocaust. Hierdie is ´n baie mooi film!
Nie vir kinders nie.

Fun with Dick and Jane (2005)

2006-02-12T16:55:00.000+01:00

http://www.imdb.com/title/tt0369441/
IMDB rating: 5.8
My rating: 7
Inderdaad fun om te kyk na al die manewales van Dick en Jane!
Alle ouderdomme.

The Family Stone (2005)

2006-02-12T16:51:00.000+01:00

http://www.imdb.com/title/tt0356680/
IMDB rating: 6.2
My rating: 6
´n Bittersoet familiekomediedrama. Waarskuwing: in hierdie film sit mens ´n groot deel van die tyd met ´n naar gevoel op jou maag! ´n Groot deel van die film het ek gesit en hoop dat daar ´n valdeur wil oopgaan onder die hoofspeelster se hoëhaakskoene en dat die aarde haar wil insluk. Overall nie so ´n slegte fliek nie...
Alle ouderdomme.

Kiss Kiss Bang Bang (2005)

2006-02-04T17:22:00.000+01:00

http://www.imdb.com/title/tt0373469/
IMDB rating: 8.0
My rating: 7
Terwyl ´n boef weghardloop van die polisie, hardloop hy by ´n oudisie binne... Hierdie film was met tye skreeusnaaks!
Verseker nie vir kinders bedoel nie. Ook nie regtig vir Ouma en Oupa nie.

Simple Lies (2005)

2006-02-02T10:55:00.000+01:00

(aka Rx)
http://www.imdb.com/title/tt0357182/
IMDB rating: 5.7
My rating: 7.5
Ek kyk meestal eers na ´n film en gee dan my eie beoordeling, voor ek na imdb gaan om te kyk wat daar staan. Ek was geskok om te sien hoe die outjie wat die beoordeling vir hierdie film geskryf het die fliek sit en afkraak.
Ek het die film ontsettend geniet. My maag was in ´n knoop van spanning en die fliek was definitief nie voorspelbaar nie!!! Ek beveel hierdie fliek definitief aan.
Die film draai om dwelms en is verseker nie vir kinders bedoel nie. Ook nie vir Ouma en Oupa nie.

Shopgirl (2005)

2006-01-28T16:17:00.000+01:00

http://www.imdb.com/title/tt0338427/
IMDB rating: 6.8
My rating: 7
Nou ja, as jy gehou het van Sleepless in Seatle, hier is weer ´n romantiese fliekie wat verseker die moeite werd is om te kyk.
Te veel onder die lakens aksie vir die jonge jonges!

Rampage: The Hillside Strangler Murders (2006)

2006-01-27T16:16:00.000+01:00

http://www.imdb.com/title/tt0373900/
IMDB rating: 4.1
My rating: 4
Ek weet nie of dit die bedoeling was nie, maar die filmmakers het wél daarin geslaag om mens te laat dink dat jy na ´n fliek kyk wat nie net in 1978 afspeel nie, maar ook in 1978 gemaak is... Die film is deurspek met boobs, dwelms en growwe taal. Bloed ook. Verder is dit regtig maar ´n flou fliekie.
Verseker nie vir kinders nie.

Everything Is Illuminated (2005)

2006-01-25T16:19:00.000+01:00

http://www.imdb.com/title/tt0404030/
IMDB rating: 7.6
My rating: 7
´n Vars fliek oor ´n Amerikaanse Jood wat na Ukraine gaan om meer te wete te kom oor sy familie se ervaring tydens die tweede wêreldoorlog.
Alle ouderdomme.

The Ringer (2005)

2006-01-24T10:31:00.000+01:00

http://www.imdb.com/title/tt0267891/
IMDB rating: 5.3
My rating: 5
So-so fliekie oor iemand wat voorgee dat hy verstandelik gestremd is, om sodoende deel te kan neem aan die "Special Olympics". Totaal onrealisties. Jy´t nie veel grysstof nodig om hierdie fliek te kyk nie, hoe minder jy het, hoe beter. Ek het die fliek wel klaargekyk, dit sê seker meer oor my as wat ek wil sê...
Vir alle ouderdomme.

Zathura: A Space Adventure (2005)

2006-01-23T16:14:00.000+01:00

http://www.imdb.com/title/tt0406375/
IMDB rating: 5.8
My rating: 5
Hierdie is eintlik maar ´n remake van Jumanji. Die voordeel is dat outjies wat nou tien jaar oud is, Jumanji nie gesien het nie. Hulle sal Zathura baie geniet. Ek sou eerder weer na Jumanji kyk.
Alle ouderdomme.

Death Tunnel (2005)

2006-01-22T12:21:00.000+01:00

http://www.imdb.com/title/tt0418627/
IMDB rating: 2.8
My rating: 4
´n Briljante collage van beelde en geluide. Dit lyk amper soos ´n 90 minute lange popmusiekvideo. Alles is daar wat mens nodig het in ´n horrorfilm. Alleen twee dinge mis: ´n storie en die spanning! Hierdie fliekie het nie vir my "gewerk" nie.
Bly weg van hierdie een. Nie vir kinders nie!

Wallace & Gromit in The Curse of the Were-Rabbit (2005)

2006-01-21T12:20:00.000+01:00

http://www.imdb.com/title/tt0312004/
IMDB rating: 8.1
My rating: 7
Hierdie is ´n moet sien vir alle Wallace & Gromit fans!!! Ek was bang dit word langdradig, omdat die ander W&G flieks nie langer as 30 minute elk was nie. Maar nee, hierdie enetjie het ek gate uit geniet. Die film is deurspek met flymskerpe subtiele humor, soos ons van W&G gewoond is. Ek wil meer hiervan hê!
Vir almal - en almal sou dit moet kyk!

The Goonies (1985)

2006-01-21T12:17:00.000+01:00

http://www.imdb.com/title/tt0089218/
IMDB rating: 7.2
My rating: 6
Hierdie is ´n heerlike fliek vir seuns van rond die 12 jaar (en alle ander Indiana Jones aanhangers). Lekker avontuurlike "skoon" vermaak. Tog jammer vir die losse manier wat daar ook in kinderflieks soos hierdie met God se naam omgegaan word! Toe iemand in verbasing uitroep "Holy Mary, sweet mother of God" het dit soos ´n toothpick dwars in my keel bly sit. Ek kan makliker teen ´n woord soos FUCK. Behalwe vir die naam van God wat ´n paar keer verbykom, word daar verder geen vloekwoorde in hierdie fliek gebruik nie.
Vir almal, veral vir jong seuns!

Brokeback Mountain (2005)

2006-01-20T12:15:00.000+01:00

http://www.imdb.com/title/tt0388795/
IMDB rating: 8
My rating: 5
Ag asseblief. Hierdie is ´n lang langdradige fliek. Pretensieuse bullshit! Ek het twee dae gevat om hierdeur te worstel, omdat ek die eerste keer aan die slaap geraak het.
Ek en my vrou kon nie besluit op watse ouderdom mens jou kind aan so iets moet/kan blootstel nie. In anyway, daar´s boobs (heel vinnig), so, as jy nie jou kind wil toelaat om boobs te sien nie, moenie dat hy die fliek kyk nie. Tipies Amerikaans, word daar nie veel van die manlike liggaam blootgelê nie. En ons dog almal dis ´n gayfliek!!! Ek dink soms die Amerikaners is bang hulle vroue sien dat ander mans se piepietolle groter is as hulle s´n!

The Matador (2005)

2006-01-19T11:34:00.000+01:00

http://www.imdb.com/title/tt0365485/
IMDB rating: 7.3
My rating: 6.5
Pierce Brosnan is ´n huurmoordenaar. Greg Kinnear is ´n (bietjie desperate) besigheidsman. Die twee ontmoet mekaar in Mexico City... ´n Bogemiddeld goeie fliek.
Vir almal.

Wolf Creek (2005)

2006-01-17T10:36:00.000+01:00

http://www.imdb.com/title/tt0416315/
IMDB rating: 6.1
My rating: 7
Hierdie een is alleen vir mense met senuwees van staal!!! Drie toeriste is besig om deur Australië te toer. Wanneer hulle kar breek word hulle deur ´n vriendelike local gehelp. Die film is gebasseer op ware feite en dít laat mens ril...
Verseker nie vir kinders nie!

Junebug (2005)

2006-01-15T11:00:00.000+01:00

http://www.imdb.com/title/tt0418773/
IMDB rating: 7.6
My rating: 7
Weer een van daai fliekies waar mens net sowel deel kon wees van die mense na wie jy sit en kyk. Vol lag en huil.
Vir alle ouderdomme.

Un long dimanche de fiançailles (2004)

2006-01-15T10:59:00.000+01:00

(Frans: A Very Long Engagement)
http://www.imdb.com/title/tt0344510/
IMDB rating: 7.9
My rating: 7
´n Grootse film, vol intriges, soos wat mens van Franse films verwag. Die grootste verrassing was om niemand anders as Jodie Foster te sien Frans praat!!!
Vir alle ouderdomme.

The Fog (2005)

2006-01-14T10:57:00.000+01:00

http://www.imdb.com/title/tt0432291/
IMDB rating: 2.9
My rating: 5
Nou ja, ek het gesien wat hierdie film se beoordeling op IMDB is, voor ek die fliek self gesien het. Ek het dus meer gekry as wat ek verwag het. Nie briljant nie, maar verseker ook nie die swakste fliek wat ek in jare gesien het nie.
Vir alle ouderdomme, wat nie nagmerries kry as hulle ´n scary fliek sien nie.

My Date with Drew (2004)

2006-01-14T10:55:00.000+01:00

http://www.imdb.com/title/tt0378407/
IMDB rating: 6.5
My rating: 7
Ek het nie geweet wat om te verwag van hierdie fliek nie. Ek dink dat ek dit daarom so geniet het. Ek wil dus ook niks sê oor hierdie fliek nie, behalwe dat dit definitief die moeite werd is om te kyk!!!
Vir alle ouderdomme.

Red Dust (2004)

2006-01-13T10:25:00.000+01:00

http://www.imdb.com/title/tt0388364/
IMDB rating: 6.8
My rating: 7
Hierdie film herinner aan The Country Of My Skull. Ek dink mens sal honderd verskillende flieks kan maak oor die TRC. Hulle sal almal na mekaar lyk, maar almal opnuut mens jou kop in skaamte laat sak. Nie omdat jy deel daaraan gehad het nie, maar omdat jy midde daarin gesit het en niks gesien het nie!!! Dit was ´n moeilike fliek om te begin kyk, maar dit het mens tóg met ´n goeie gevoel agtergelaat. Dit was lekker om Hilary Swank op Afrika bodem te sien, maar ook Marius Weyers. Ook lekker om Afrikaans te hoor in ´n fliek! (Jammer oor die stigma, wat eintlik weer/meer versterk word in hierdie fliek.)
Bietjie te bloederig vir alle ouderdomme.

Rumor Has It... (2005)

2006-01-12T15:38:00.000+01:00

http://www.imdb.com/title/tt0398375/
IMDB rating: 5
My rating: 6
Romantiese komedie. Presies wat mens verwag van hierdie fliek, niks minder nie en niks meer nie. Eerder minder, as meer...
Vir alle ouderdomme.

Crossroads (2002)

2006-01-11T15:36:00.000+01:00

http://www.imdb.com/title/tt0275022/
IMDB rating: 3
My rating: 5
Road movie met onse liewe Britney! Ja, as jy gedink het jy´s in vir ´n topfliekie, voor jy hierna kyk, is dit jou eie skuld. Mens verwag nie veel nie en ek was tog bietjie verras! Hierdie enetjie het ons op TV gekyk, want ons het van die begin af geweier om geld daaraan te spandeer. As jy geld hieraan spandeer, is dit ook jou eie skuld.
Vir alle ouderdomme.

Missing in America (2005)

2006-01-10T11:13:00.000+01:00

http://www.imdb.com/title/tt0384699/
IMDB rating: 6.9
My rating: 5.5
´n Sentimentele fliekie. Te sentimenteel vir my. Gaan oor ´n paar oorlogsveterane wat nie die oorlog uit hulle gestel kan kry nie, nou speel hulle maar dat hulle nog steeds in die oorlog is. Hulle bly in die bos en stel hinderlae, sien, maar word nie gesien nie...
Grappig is dat Ron Perlman en Linda Hamilton altwee in die fliek speel - dis nou Beauty and the Beast, vir die wat nog kan onthou, jare gelede op Sondagaand, MNET oopkyktyd. Ag, kyk hoe sentimenteel word ek nou!
Vir alle ouderdomme.

Just Like Heaven (2005)

2006-01-09T12:08:00.000+01:00

http://www.imdb.com/title/tt0425123/
IMDB rating: 6.8
My rating: 6
Hier is weer eentjie vir die aanhangers van romantiese komedies! Haar woonstel word aan hom onderverhuurd. Maar haar gees dwaal nog in die woonstel rond.
Vir alle ouderdomme.

Mozart and the Whale (2005)

2006-01-08T11:33:00.000+01:00

(aka Crazy in Love)
http://www.imdb.com/title/tt0392465/
IMDB rating: 7
My rating: 7
´n Eensame ou, wat ly aan Asperger se sindroom (´n soort outisme), stig ´n groepie vir ander eensame mense wat ly aan Asperger se sindroom. So ontmoet hy ´n eensame meisie wat ly aan Asperger se sindroom. Dan ontstaan ´n bittersoete verhouding tussen die twee. Hierdie is ´n baie mooi film.
Vir alle ouderdomme, maar dit sal deur ´n beperkte groep geniet word.

King Kong (2005)

2006-01-07T11:31:00.000+01:00

http://www.imdb.com/title/tt0360717/
IMDB rating: 7.9
My rating: 6
Nou ja, eindelik sit ek en my vrou met ´n varsgepopte bak springmielies en ´n bottel wyn klaar vir die filmsensasie van 2005! Gelukkig het ek êrens gehoor dat die eerste uur (van die drie!) ´n bietjie stadig is, so ons het nog geen onraad vermoed nie en het nog oopgestaan vir enigiets, dit was dus eers aan die einde van die tweede uur dat dit tot ons deurgedring het dat ons na niks meer as ´n ode aan rekenaarkuns sit en kyk nie. Verder het die film maar weinig emosie in ons losgemaak. Ek het darem ´n keer lekker gewip van die skrik en mens het lekker geril vir die reusagtige insekte, maar ja, dit was nie regtig drie ure van mens se tyd werd nie. Ek dink dat ´n groot deel van my teleurstelling te wyte is aan die ophef wat oor hierdie film gemaak is in die media. Ook het ek die film op tv gekyk en nie in ´n bioskoop nie...
Not for the squeemish!

Memoirs of a Geisha (2005)

2006-01-06T11:28:00.000+01:00

http://www.imdb.com/title/tt0397535/
IMDB rating: 6.5
My rating: 5
As mens na hierdie film kyk, kry jy bietjie die gevoel of jy na ´n opera kyk. Pragtige decor, mooie kostuums, goeie akteurs... Maar o so saai! Helfte van die tyd het ek gedink dat ek dalk nie die storie heeltemal snap nie (daai opera-gevoel, jy weet). Nou weet ek dat die helfte van die wêreld gaan sê dat dit is omdat ek oningelig is, dat ek die crux van die hele verhaal gemis het, maar so be it. En daar´s die opera-gevoel waaragtig weer! Hierdie is nie ´n "Chick flick" nie, maar ek dink tog dat dit meer deur die vroulike gehoor waardeer sal word.
Jy sou die fliek vir kinders kan wys, maar doen dit liewer nie...

The Constant Gardener (2005)

2006-01-03T10:38:00.000+01:00

http://www.imdb.com/title/tt0387131/
IMDB rating: 7.6
My rating: 7
Hierdie is nie ´n fliekie wat jy saam met jou popcorn inneem en met jou Coke afsluk nie. Hierdie is heavy shit. Hierdie fliek was swaar om te kyk en ek was uitgeput en wou die laaste helfte bêre vir die volgende dag, maar ek kon nie ophou kyk nie. Liefde, haat, politiek en koörporatiewe besighede wat yoyo speel met klein mensies se lewens... Verseker die moeite werd vir ernstiger filmkykers.
Nie vir kinders nie.

Transporter 2 (2005)

2006-01-02T23:14:00.000+01:00

http://www.imdb.com/title/tt0388482/
IMDB rating: 6.1
My rating: 5
Fok my, hierdie ou is goed. Vier negers uit die ghetto, ses ninja chinese, laat maar kom. Na 'n uur en 'n half se wonderwerke het hy 'n twee centimeter snytjie op sy voorkop. En dan kan hy nog kar ry ook! As no-brainer flieks jou ding is, gaan jy hierdie een moerse laaik!
Veels te geweldadig vir jong kinders! Verseker nie vir die "kieskeurige" filmgangers nie.

Le Fabuleux destin d'Amélie Poulain (2001)

2006-01-01T12:49:00.000+01:00

(aka Amelie)
http://www.imdb.com/title/tt0211915/
IMDB rating: 8.7
My rating: 8
'n Juweel van 'n film!!! KYK DIT! Verseker die beste fliek wat ek in 'n lang tyd gesien het.
Alle ouderdomme - aangesien die film Franstalig is, moet jy wel kan lees, hie hie hie...

Saw II (2005)

2006-01-01T12:41:00.000+01:00

http://www.imdb.com/title/tt0432348/
IMDB rating: 7.0
My rating: 7
Ek het die eerste Saw geweldig geniet en gedink die tweede een word gemaak alleen om geld te verdien. Dit was egter nie so nie. Hoewel die hele gevoel van die film nie so nuut is nie, is dit ´n fantastiese opvolg van Saw. As jy hou van bloed, breins en binnegoed is hierdie eentjie vir jou!
Verseker nie vir kinders nie. Ouma en oupa moet ook mooi dink voor hulle saamkyk.

The Net 2.0 (2006)

2005-12-31T12:39:00.000+01:00

http://www.imdb.com/title/tt0449077/
IMDB rating: Not yet rated
My rating: 6
Na 10 jaar kom hulle toe met ´n opvolg van The Net. En pragtig, die net wat vir 2006 bestem is, beland toe al in 2005 op die internet. Dit is nie ´n slegte fliek nie, maar dit sal nie weer so ´n blockbuster wees soos die eerste The Net nie, meestal omdat daar nie weer ´n Sandra Bullock die hoofrol speel nie. Die feit dat daar nie ´n bekende aktrise die hoofrol vertolk nie, gee die film ´n bietjie ´n "goedkoop" gevoel. Die storie is goed... Eintlik maar dieselfde as die eerste Net.
Nie regtig vir kinders nie.

Oliver Twist (2005)

2005-12-31T11:42:00.000+01:00

http://www.imdb.com/title/tt0380599/
IMDB rating: 6.8
My rating: 6
Nou ja, ek dog, gesien dat Roman Polanski hierdie fliek direct het, dat daar 'n paar verassings in sou wees... Helaas. As jy die storie van Oliver Twist ken, gaan dit vir jou voel of jy hierdie fliek al gesien het... Dit beteken nie dat dit 'n swak film is nie.
Alle ouderdomme.

Prime (2005)

2005-12-31T11:39:00.000+01:00

http://www.imdb.com/title/tt0387514/
IMDB rating: 5.9
My rating: 7
My tone het gekrul van die lekkerte in hierdie komedie. Sy lap al haar liefdesgeheime uit by haar sielkundige - wat toe al die tyd haar boyfriend se ma is!!! Kyk gerus, as jy van (romantiese) komedies hou.
Nie regtig vir die kinders nie.

Proof (2005)

2005-12-31T11:09:00.000+01:00

http://www.imdb.com/title/tt0377107/
IMDB rating: 7.1
My rating: 7
Die skeiding tussen briljant en stapelgek is maar klein. Haar Pa was briljant, maar het toe hy 26 was, 'n paar van sy albasters verloor... Sy's briljant, maar sy's nog nie 26 nie...
Alle ouderdomme, maar eintlik meer bedoel vir grootmense.

Ray (2004)

2005-12-30T13:08:00.000+01:00

http://www.imdb.com/title/tt0350258/
IMDB rating: 7.9
My rating: 7
Ek het lank uitgestel om hierdie fliek te kyk. Ek het gedink dat ek nie 'n Ray Charles fan was nie. Ek was aangenaam verras!
Nie vir die kinders nie.

Enigma (2001)

2005-12-30T13:02:00.000+01:00

http://www.imdb.com/title/tt0157583/
IMDB rating: 6.6
My rating: 6
'n Klomp kodekrakers in Engeland probeer die Duitsers ore aan te sit, tydens die tweede wêreldoorlog. Goeie film.
Nie vir die kinders nie.

Confessions of a Teenage Drama Queen (2004)

2005-12-30T12:58:00.000+01:00

http://www.imdb.com/title/tt0361467/
IMDB rating: 4.4
My rating: 5
Sug. Ja, dis 'n Disney fliekie, vir tiener meisies. Hier en daar was dit oulik, maar dis meestal alleen vir tiener meisies bedoel.
Alle ouderdomme.

Personal Velocity: Three Portraits (2002)

2005-12-29T13:00:00.000+01:00

http://www.imdb.com/title/tt0295238/
IMDB rating: 6.6
My rating: 6.5
Drie kort fliekies in een. Al drie fliekies eindig sonder eindes. Lekker om te kyk, maar dit laat mens nie soveel nadink as wat ek dink die bedoeling van die director was nie.
Nie vir die kinders nie.

The Interpreter (2005)

2005-12-29T12:53:00.000+01:00

http://www.imdb.com/title/tt0373926/
IMDB rating: 6.6
My rating: 6
Terwyl sy by die VN werk as tolk, hoor sy hoe mense beplan om die president van een of ander onbekende Afrika land te vermoor.
Nie vir die kinders nie.

Diarios de motocicleta (2004)

2005-12-28T12:56:00.000+01:00

(Spaans) The Motorcycle Diaries
http://www.imdb.com/title/tt0318462/
IMDB rating: 7.9
My rating: 7
Twee vriende vertrek met 'n motorfiets op 'n 8 000km lange toer van Suid-Amerika. 'n Moet sien fliek!
Vir alle ouderdomme.

Transamerica (2005)

2005-12-22T12:51:00.000+01:00

http://www.imdb.com/title/tt0407265/
IMDB rating: 7.8
My rating: 6.5
'n Paar dae voor sy finale sexchange operasie, word hy gebel vanuit die tronk deur sy 18 jarige seun waarvan hy nie geweet het nie... 'n Goeie fliek, maar sonder emosionele hoogte- en/of laagtepunte.
Nie vir die kinders nie.

The Chumscrubber (2005)

2005-12-22T12:49:00.000+01:00

http://www.imdb.com/title/tt0406650/
IMDB rating: 6.8
My rating: 7.5
Fantastiese film! Ek weet nie wat ek oor hierdie film moet sê nie, behalwe dat almal wat die geleentheid het, dit móét sien!
Nie vir die kinders nie.

Bob the Butler (2005)

2005-12-21T11:01:00.000+01:00

http://www.imdb.com/title/tt0216584/
IMDB rating: 6.2
My rating: 6
Hierdie is nie 'n Oscar wennaartjie nie, maar tog 'n lekker fliekie om te kyk, as daar niks anders is om te doen nie... 'n Aanbeveler as jou dogter op haar 16de verjaarsdag 'n videopartytjie wil hou.
Volgens my vrou verdien die fliek niks beter as 'n 5 nie.
Vir alle ouderdomme.

The Chronicles of Narnia: The Lion, the Witch and the Wardrobe (2005)

2005-12-20T10:59:00.000+01:00

http://www.imdb.com/title/tt0363771/
IMDB rating: 7.5
My rating: 5
Ag fokkit tog, dit het my twee aande gevat om deur hierdie la-a-a-ang film te stoei. Ek's een van daai outjies wat nie skaam is om te herken dat ek Lord Of The Rings absoluut vervelig gevind het nie. Ek's ook nie skaam om te sê dat ek dink dat Harry Potter flieks nie gemaak hoef te word nie... In kort, ek steur my dus ook nie aan die media hype rondom 'n "Familiefilm" van meer as twee uur lank, met pratende diere nie.
Aan die begin het ek hoop gehad, later het ek verveeld geraak, aan die einde van die film kon ek my oë nie van die horlosie afhou om te sien hoe lank die teistering nog gaan aanhou nie!
My vrou voel wel dat die film 'n 7 verdien...
Hierdie film sal klein kinders ook verveel. Eintlik sal die film meeste mense verveel, dink ek.

Tamara (2005)

2005-12-18T12:20:00.000+01:00

http://www.imdb.com/title/tt0401815/
IMDB rating: 5.7
My rating: 6
Ek was sommer baie verras met hierdie fliek. Die beskrywing het gesê dat Tamara uit die dood terugkeer om haar dood te wreek... Nou ja, by my in ieder geval, wek dit nie veel verwagting op nie.
Nie vir die kinders nie.

In Her Shoes (2005)

2005-12-17T12:19:00.000+01:00

http://www.imdb.com/title/tt0388125/
IMDB rating: 7
My rating: 6.5
Ek het ´n gewone romantiese komedie verwag, maar hierdie een het tog bietjie meer om die lyf.
Vir alle ouderdomme.

Bad Santa (2003)

2005-12-16T12:17:00.000+01:00

http://www.imdb.com/title/tt0307987/
IMDB rating: 7.2
My rating: 7
Kersvader is ´n dronk con-man. Hartverskeurend om te sien hoe die kinders tóg die mooi bly sien. Hierdie film is ´n aanbevelertjie!
Nie vir die wat nog glo in die magic van Kersvader nie - verseker nie vir kinders nie.

Cake (2005)

2005-12-15T14:01:00.000+01:00

http://www.imdb.com/title/tt0413879/
IMDB rating: 5.6
My rating: 4
Hierdie koek het bietjie platgeval... Wat ´n tos fliekie...
Vir alle ouderdomme, maar ek weet nie hoekom iemand hierna sal wil kyk nie.

Asylum (2005)

2005-12-14T11:16:00.000+01:00

http://www.imdb.com/title/tt0348505/
IMDB rating: 6.5
My rating: 6
Dit is skrikwekkend om te sien hoe maklik mens ´n lewe kan vernietig. Jou eie, maar ook die van mense om jou. En hoe maklik ander mense jou lewe kan vernietig...
Nie vir kinders nie.

Broken Flowers (2005)

2005-12-13T10:12:00.000+01:00

http://www.imdb.com/title/tt0412019/
IMDB rating: 7.5
My rating: 6.5
Don Johnston (Bill Murray) gaan op soek na sy bedmaatjies van 20 jaar gelede. Sy paadjie gaan onder andere verby ´n byna onherkenbare Sharon Stone en Jesica Lange. Party mense sal hierdie film ´n bietjie stadig vind, ek het dit nogal geniet.
Het jy al ooit vyf minute voor die einde van ´n fliek aan die slaap geraak en dan wakker geskrik as die credits verbyrol? Hierdie fliekie gee jou dieselfde gevoel.
Kinders sal hierdie fliek nie geniet nie.

House (1986)

2005-12-11T17:15:00.000+01:00

http://www.imdb.com/title/tt0091223/
IMDB rating: 5.5
My rating: 5
In sy tyd was dit sekerlik ´n baie goeie film. (Hoewel ek nooit in dié tyd daarvan gehoor het nie) Vandag verwag ons meer van rillers, as poppe wat uit kaste spring. Tog het ek die film geniet. En ja, as ek eerlik moet wees, word ek tog meer verras deur die kreatiewe monsters van die tyd voor computer animation!
Te scary vir die kinders.

Everything You Always Wanted to Know About Sex * But Were Afraid to Ask (1972)

2005-12-11T17:13:00.000+01:00

http://www.imdb.com/title/tt0068555/
IMDB rating: 6.7
My rating: 5
As Woody Allen fan, was ek ontsettend teleurgesteld in hierdie film! Miskien het mense in ´72 dit snaaks gevind as iemand deur ´n reuse tiet rondgejaag word... Die film het egter wél sy momente.
Nie vir kinders of vir preutse Ouma´s en Oupa´s nie.

The Baxter (2005)

2005-12-11T17:12:00.000+01:00

http://www.imdb.com/title/tt0401244/
IMDB rating: 6.7
My rating: 6
´n Lekker ligte geniet film wat by die einde begin en in plaas van die gelukkige couple, fokus op die outjie wat alleen voor die preekstoel bly staan. Ek het bietjie gesukkel om simpatie met hom te hê, hy is maar ´n bietjie dufus!
Hoewel daar geen rede is om nie te kyk nie, sal hierdie film nie ´n treffer wees by die kinders nie...

Zemanovaload (2005)

2005-12-11T17:10:00.000+01:00

http://www.imdb.com/title/tt0397753/
IMDB rating: 6.0
My rating: 6
´n Fliekie oor ´n joggie met "multiple obsessive compulsive disorders" wat, om sy ex-girlfriend te spite, besluit om sy visier op die nommer een model van die wêreld te plaas.
Nie vir kinders nie. Ook nie vir Ouma´s en Oupa´s wat gou skaam word nie.

Must Love Dogs (2005)

2005-12-10T17:09:00.000+01:00

http://www.imdb.com/title/tt0417001/
IMDB rating: 5.8
My rating: 6
Romantiese komedie. Haar sussie plaas namens haar ´n ad op die internet. Sy buddy antwoord namens hom die advertensie.
Te veel gepraat vir kinders. Ouma en Oupa sal hierdie een geniet, as hulle die tipes is wat nie skaam is om oor kondome te praat nie.

Cry_Wolf (2005)

2005-12-10T17:08:00.000+01:00

http://www.imdb.com/title/tt0384286/
IMDB rating: 5.6
My rating: 6.5
´n Oulike riller wat my nogal verras het.
Nie vir kinders nie.

North Country (2005)

2005-12-10T17:06:00.000+01:00

http://www.imdb.com/title/tt0395972/
IMDB rating: 7.2
My rating: 7.5
´n Baie goeie film. Gebasseer op ´n ware verhaal, oor die geveg vir gelyke regte van vroulike mynwerkers. Charlize, jy´s ´n doring!
Nie vir die kinders nie, maar ´n aanraaier vir al die res!

The Truth About Love (2004)

2005-12-09T17:04:00.000+01:00

http://www.imdb.com/title/tt0407269/
IMDB rating: 5.2
My rating: 5.5
Oppas, ´n affair met jou eie man kan die einde van jou huwelik beteken! My vrou was baie teleurgesteld deur die swak acting, maar ek het dit nie so ´n slegte fliek gevind nie.
Nie vir kinders nie.

Corpse Bride (2005)

2005-12-03T17:02:00.000+01:00

http://www.imdb.com/title/tt0121164/
IMDB rating: 7.4
My rating: 8
´n Verrassend goeie film. Pragtig gemaak! Kyk dit!!!
Nie vir klein kindertjies nie.

Simon (2004)

2005-11-28T11:22:00.000+01:00

http://www.imdb.com/title/tt0393775/
IMDB rating: 8.6
My rating: 7
´n Baie goeie Nederlandse film.
Nie vir kinders nie.

Heights (2004)

2005-11-27T17:27:00.000+01:00

http://www.imdb.com/title/tt0382073/
IMDB rating: 7.3
My rating: 7
´n Baie goeie film.
Te veel gepraat vir kinders.